17 yaşadək futbolçular arasında keçirilən XI “Delle Natsioni” turnirinə dünən start verilib. Apasport.az saytının məlumatına görə, B qrupunda yarışan millimiz 2015-ci ildə dünya çempionatına ev sahibliyi edəcək Çili ilə qarşılaşıb.

Avstriyanın Köçax-Maut qəsəbəsindəki stadionda keçirilən görüş 1:1 hesabı ilə başa çatıb. Cənubi amerikalılardan qolu “Palestino”nun oyunçusu Valter Ponse vurub. Yığmamızın heyətindən isə Ziya Əzizov fərqlənib. Qrupun digər görüşündə isə Xorvatiya Yaponiyanı 9-cu dəqiqədə Neven Curasekin vurduğu yeganə qol ilə məğlub edib.

Qeyd edək ki, bu gün yığmamız qrup lideri Xorvatiya ilə qarşılaşacaq.