Millimizin hücumçusu Rüfət Dadaşovun çıxış etdiyi “Kayzerslautern”in 23 yaşadək komandası Almaniya Regionalliqasında XXVII turun oyununu keçirib. Apasport.az saytının məlumatına görə, “gənc iblislər” səfərdə “Baunatal”ın qonağı olub.
300 tamaşaçının izlədiyi görüş 1:1 hesabı ilə başa çatıb. Ötən tur start heyətində meydana çıxıb, 77 dəqiqə oynayan Dadaşov bu dəfə meydana son dəqiqələrdə daxil olub. Rəqib tarazlıq qolunu vurduqdan sonra baş məşqçi Rüfəti 83-cü dəqiqədə yarımmüdafiəçi Kristian Lenşin yerinə meydana buraxıb. Bununla belə, futbolçumuz 7 dəqiqəlik çıxışı ərzində heç nə ilə yadda qalmayıb.
Qeyd edək ki, Rüfət Dadaşovun komandası bu nəticədən sonra xalını 45-ə yüksəldib. “Kayzerslautern”in II komandası turnir cədvəlində yenə IV pillədədir.
Oxşar xəbərlər
Ana səhifə
Bütün xəbərlər