Yığmamızın növbəti Avropa çempionatının seçmə mərhələsində rəqiblərindən olan İtaliya millisi dünya çempionatı öncəsi son matçını keçirib. Apasport.az saytının məlumatına görə, “Skuadra Adzurra” Braziliyanın “Fluminense” klubu ilə gücünü sınayıb.
İlk 2 yoldaşlıq oyununda qələbə qazana bilməyən və cəmi 1 qol vuran italyanlar bütün acığını Braziliyanın A Seriyası təmsilçisindən çıxıb. Belə ki, Sezare Prandellinin komandası rəqibini 5:3 hesabı ilə məğlub edib.
İlk hissəsi 2:2 hesabı ilə başa çatan görüşdə Dortmund “Borussiya”sının yeni hücumçusu Çiro İmmobile het-trik və “Napoli”nin forvardı Lorentso İnsinye dubl edib. Maraqlıdır ki, İmmobile 5 qolun hamısında iştirak edib. O, 3 qol vurmaqla yanaşı, 2 məhsuldar ötürməyə də imza atıb.
Qeyd edək ki, İtaliya yığması mayın 31-də Londonda İrlandiya millisi (0:0) və iyunun 4-də Lüksemburqla (1:1) yoldaşlıq oyunları keçirmişdi.
Oxşar xəbərlər
Ana səhifə
Bütün xəbərlər
Hesabım