Topaz Premyer Liqasının XXXIV turunda AZAL-la qarşılaşan “Neftçi”nin iki futbolçusu yubiley matçını keçirib. Apasport.az xəbər verir ki, İqor Mitreski və Cavid İmamverdiyev paytaxt klubunda 100-cü çempionat qarşılaşmasına çıxıblar.

Bu görüşədək Premyer Liqada hərəyə 99 dəfə “ağ-qaralar”ın şərəfini qoruyan cütlük yubiley matçında qolsuz heç-heçəyə şahid olub.

2008/09 mövsümündə Hans Yurgen Gedenin əsas komandaya cəlb etdiyi 18 yaşlı Cavid 6 ilə çatdığı 100 matçda 10 qol vurub. 2010/11 mövsümndə transfer olunan makedoniyalı müdafiəçi isə 1 dəfə rəqib qapısına yol tapıb.

1992-ci ildə start götürən ölkə çempionatları tarixində bunadək 17 futbolçu “Neftçi”də 100 və daha çox oyun keçirmişdi. Cavidlə İqor bu rəqəmi 19-a çatdırdı. Mitreski 2014-cü ildə 100-ə çatan Flavinyodan sonra “ağ-qaralar”ın heyətində 100-cü matçını qeyd edən 2-ci legionerdir.
Qeyd edək ki, Mitreskidən fərqli İmamverdiyev Premyer Liqada təkcə “Neftçi”də oynamayıb.
 

Cavid İmamverdiyev

İqor Mitreski
 

• La Liqa: “Real” “Betis” səfərindən xalsız qayıdır
• PSJ-də müqavilə yağışı
• UEFA-dan “Fənərbaxça” futbolçularına cəza - “Roma”matçında iştirak edə biləcək
• “Beşiktaş”dan yeni transfer
• “Fənərbaxça”da ayrılıq - RƏSMİ