Almaniyanın Regional Liqasında XI turun oyunları keçirilir. Apasport.az saytının məlumatına görə, millimizin üzvü Taşkın İlterin formasını geyindiyi Braunşveyq "Ayntraxt"ının U-23 komandası "Havelse"ni qonaq edib.
Qarşılaşmada ev sahibləri 3:1 hesablı qələbə qazanıb. Kamandasının 3 xal qazandığı görüşdə Taşkın meydana 89-cu dəqiqədə Orhan Ademinin yerinə daxil olub.
Almaniyanın II Bundesliqasının IX turun oyunlarında isə digər təmsilçimizin komandası məyus olub.
Belə ki, millimizin futbolçusu Dmitri Nazarovun çıxış etdiyi "Karlsruher" evdə "Kayzerslautern"ə 2:0 hesabı ilə uduzub. Nazarov isə 46-cı dəqiqədə meydana çıxıb. Millimizin üzvü Filpp Klinqmannı əvəzləyib.
Qeyd edək ki, hər iki oyunçumuz AVRO-2016-nın seçmə mərhələsi çərçivəsində oktyabrın 10-da İtaliyanın Palermo şəhərində İtaliya, oktyabrın 13-də isə Xorvatiyanın Osiyek şəhərində Xorvatiya yığması ilə qarşılaşacaq Azərbaycan millisinin heyətinə çağırılıb. Baş məşqçi Berti Foqtsun 25 futbolçuya dəvət göndərdiyi siyahıda adları olan Nazarovla İlter artıq Frankfurtda hazırlıqlara başlayıblar.
Oxşar xəbərlər
Ana səhifə
Bütün xəbərlər
Hesabım