Topaz Premyer Liqasının XXVII turunu oyun keçirmədən başa vuracaq “Qəbələ” vaxt itirmədən növbəti turun hazırlıqlarına başlayıb. Apasport.az saytının məlumatına görə, “qırmızı-qaralar”da cəmi bir günlük istirahət olub.

Dünəndən AZAL-la aprelin 5-də keçiriləcək qarşılaşmanın hazırlığına start götürən şimal təmsilçisi məşqlərini doğma məkanda davam etdirir. Roman Qriqorçukun komandasında yeganə itki zədəli Luis Hilario Dododu. Aprelin 3-nə qədər öz bazasında hazırlıq keçəcək “Qəbələ” həmin gün Bakıya gələcək və son məşqini aprelin 4-də qarşılaşmanın baş tutacağı “AZAL Arena”da edəcək.

Qeyd edək ki, XXVIII turun AZAL – “Qəbələ” oyunu aprelin 5-də keçiriləcək.

• "İnter"də şok itki - MİLLİNİN OYUNLARINI QAÇIRACAQ
• "Samsunspor"da ayrılıq - "Olimpiakos"la anlaşdı
• Premyer Liqa klubunda ciddi itki
• "Benfika"dan ayrıldı - YUNANISTANDA ÇIXIŞ EDƏCƏK
• "Trabzonspor"da Tomas Reys səsləri