“Futbol tarixində dünya çempionu olmayan çox oyunçu var. Ancaq bununla belə, onları dahi futbolçu hesab edirlər”. Apasport.az saytının məlumatına görə, bunu Braziliya yığmasının sabiq hücumçusu Ronaldo deyib.
PSV, “Barselona”, “İnter”, Madrid “Real”ı və “Milan” kimi məşhur klublarda çıxış etmiş sabiq braziliyalı ulduz Argentina yığmasının hücumçusu Lionel Messi haqqında danışıb. Onun sözlərinə görə, ölkəsində keçirilən mundialda da Messi dünya çempionu olmasa belə, dahi futbolçulardan biridir.
Ronaldo bu haqda “Barselona”nın sabiq ulduzu Ronaldinyo ilə söhbətlərinin olduğunu bildirib: “Əgər futbolçu mundialı qazanırsa, bu ona xüsusi status verir. Ancaq bunsuz da tarixdə ən yaxşılardan biri olmaq mümkündür. Messi həqiqətən yüksək səviyyəli oyunçudur. 4 “Qızıl top” qazanmaq böyük uğurdur. Mən Ronaldinyo ilə Lionel haqqında çox danışmışam. O da öz növbəsində hələ Messi uşaq olarkən onu çox tərifləyirdi”.
Qeyd edək ki, Argentina yığması 2 gün sonra başlayacaq futbol üzrə dünya çempionatında İran, Nigeriya, Bosniya və Herseqovina yığmaları ilə bir qrupda mübarizə aparacaq.
Oxşar xəbərlər
Ana səhifə
Bütün xəbərlər
Hesabım