“Mançester Yunayted”in və İngiltərə yığmasının hücumçusu Ueyn Runi karyerasını ABŞ çempionatında bitirə bilər. Apasport.az saytı xəbər verir ki, 30 yaşlı futbolçu gələcəkdə MLS-də oynaya biləcəyini istisna etməyib.

Runi qeyd edib ki, vaxtı gələndə ABŞ-dan aldığı təklifləri dəyərləndirəcək: “Bir neçə ildən sonra karyeramı ABŞ-da davam etdirə bilərəm. Təbii ki, hazırkı məqamda bundan söhbət gedə bilməz. Çünki mən bütün diqqətimi “Mançester Yunayted”ə yönəltmişəm. Vaxt gələcək, MLS-dən olan təklifləri dəyərləndirəcəm. Qərar verəndə həyat yoldaşımla məsləhətləşəcəm”.

Qeyd edək ki, “Everton”un yetirməsi olan Runi 2004-cü ildən “Mançester Yunayted”in uğurları üçün çalışır. O, “mankunianlar”ın heyətində bu vaxta qədər 479 oyunda 230 qol vurub. 

• “Qalatasaray”a Osimhen müjdəsi – Qayıdacağı tarix bəlli oldu
• “Mançester Yunayted” Premyer Liqadan müdafiəçi seçdi
• “Mançester Yunayted” Premyer Liqada sonuncudur – Şok statistika
• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ