“Zenit” futbol klubu yeni baş məşqçisi Andre Villaş-Boaşa ildə 8,5 milyon avro qazanacaq. Apasport.az saytının məlumatına görə, yeni baş məşqçi komandaya martın 20-də rəsmən təqdim olunacaq.

Xatırladaq Ki, “Zenit” Villaş-Boaşla 2 illik rəsmi müqavilə bağlayıb. Müqavilə mart ayından qüvvəyə minir və  2014/2015 və 2015/2016-cı il mövsümləri üçün qüvvədədir. 36 yaşlı portuqaliyalı bu postda italiyalı Luçano Spalettini əvəz edir. Villaş-Boaş illik 8,5 milyon avrodan əlavə müəyyən nəticələrə görə əlavə bonuslar da əldə edəcək.

Portuqaliyalı mütəxəssis ötən ilin dekabrına kimi “Tottenhem”i çalışdırıb. O, komandasının “Liverpul”a 5:0 hesablı məğlubiyyətdən sonra vəzifəsindən kənarlaşdırılıb. Bundan əvvəl o, “Portu” ilə ölkə çempionatını, kubokunu və Avropa Liqasını qazanıb, eləcə də “Çelsi”də yarım illik işi müqabilində 32 milyon funt qazanıb.

• “Qarabağ”ın sabiq futbolçusu Şotlandiyada ayın yaxşısı seçildi
• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi
• “Fənərbaxça”dan müdafiəyə yeni həmlə – Adil Demirbağ üçün rəsmi təklif
• “Roma” Ostervolde "dəftərini bağlamayıb" – Yanvarı gözləyirlər