Futzal üzrə Azərbaycan milli komandası yoldaşlıq oyunu keçirib. Apasport.az saytının məlumatına görə, Belarusda təlim-məşq toplanışında olan yığmamız bu ölkənin millisi ilə 2-ci dəfə üz-üzə gəlib.

İlk qarşılaşmada 1:2 hesabı ilə uduzan Faustino Peresin yetirmələri bu dəfə heç-heçəylə kifayətlənib – 2:2. Yığmamızın hər iki qolunu braziliyalılar vurub. 7-ci dəqiqədə Auqsuto hesabı açsa da, fasiləyədək meydan sahibləri tarazlığı bərpa edib. İkinci hissədə belaruslular önə keçdikdən sonra Eduardo 29-cu dəqiqədə bərabərlik qoluna imza atıb.

Qeyd edək ki, Minskin AMPİD idman kompleksində keçirilən oyunu yerli hakimlər idarə edib.

• “Fənərbaxça”da İsmail Kartal dövrü başa çatdı – İstefası qəbul edildi
• Premyer Liqada ayın oyunçusu müəyyənləşib
• Vlahoviçin cəzası qüvvədə qaldı – “Erzurumspor" matçını buraxacaq
• Premyer Liqada ayın ən yaxşısı: Sergey Yakiroviç
• İngiltərə millisinin üzvü daha 5 il “Nyukasl”da