“Fənərbaxça” klubunun futbolçusu Cozef Yobo Fransaya qarşı oyununda meydana çıxaraq, Nigeriya millisinin dünya çempionatlarında keçirilən oyunların sayına görə rekordunu təzələyib. Apasport.az saytının məlumatına görə, müdafiəçi yığmanın heyətində 10-cu oyununa çıxıb.

Buna qədər Yobo və yarımmüdafiəçi Cey-Cey Okoça millinin heyətində eyni sayda - 9 oyun keçirmişdilər. Amma futbolçu bundan sonra yeni rekord qırmayacaq. Yobo Nigeriya millisinin heyətində çıxışlarını başa vurmaq qərarına gəlib: “Əlbəttə, mən Nigeriya millisinin heyətində sonuncu oyunumun başqa cür olmasını istəyirdim. İndi mənim ailəmin mənə ehtiyacı var. Bu, uzun bir yol idi”.

Beləliklə, dünya çempionatının 1/8 finalındakı oyun müdafiəçi üçün sonuncu olub.

• “Qalatasaray” zədəli futbolçuları ilə bağlı açıqlama yayıb
• Acunun komandasında yeni müqavilə - RƏSMİ
• “Fənərbaxça” - “Beşiktaş” matçı bu kanalda - TV AFİŞA
• La Liqa: “Real” “Betis” səfərindən xalsız qayıdır
• PSJ-də müqavilə yağışı