“Valensiya” heyətinə yeni futbolçu cəlb edib. Apasport.az saytı xəbər verir ki, “yarasalar” İtaliyanın “İnter” klubunun üzvü Ceyson Murilyo ilə gücləniblər.

İspanlar kolumbiyalı mərkəz müdafiəçisini icarəyə götürüblər. Razılaşmaya əsasən, 25 yaşlı futbolçu qarşıdakı 2 ili “Valensiya”nın heyətində keçirəcək.

Qeyd edək ki, Kolumbiya yığmasının da formasını geyinən Murilyo “İnter”ə 2015-ci ildə “Qranada”dan transfer olunub.