Bakı-2015 I Avropa Oyunlarının XI günündə 13 dəst medalın sahibi müəyyənləşib. Apasport.az saytının məlumatına görə, bu gün hesabına 4 mükafat əlavə edən Azərbaycan yığmasının aktivindəki medalların sayı 39-a çatıb.

İlk 11 gündən sonra Azərbaycan 14 qızıl, 11 gümüş, 14 bürünc medalla komanda hesabında 2-ci pillədəki mövqeyini qoruyub.

Siyahının lideri olan Rusiya bu gün daha 10 medal qazanaraq, izləyiciləri ilə fərqi daha da artırıb. Hesabında 87 mükafat olan rusiyalıların medallarından 45-ı qızıl, 23-ü gümüş, 19-u bürüncdü. Almaniya isə 3-cü pillədəki yerini qoruyub.

Həmçinin bu gün daha bir ölkə ilk mükafatını qazanıb. Belə ki, Kipr atıcılıq yarışında gümüş medal əldə edib. Bununla kiprlilər 40-cı medalçı komanda olub.

Qeyd edək ki, Bakı-2015-in ilk 11 günündə ümumilikdə 502 - 154 qızıl, 154 gümüş, 194 bürünc medalın sahibi müəyyənləşib. Medalçı 40 ölkədən 24-ü çempionluq sevinci yaşayıb.