Azərbaycan millisinin məşqçiləri avrokubok oyunlarını izləyəcək. Apasport.az saytının məlumatına görə, yığmamızın çalışdırıcıları Avropa Liqasının I təsnifat mərhələsinin cavab oyunları zamanı təmsilçilərimizin matçlarına stadiondan baxacaq.

Millinin baş məşqçisi Robert Prosineçkinin göstərişinə əsasən, Elxan Abdullayev “İnter” – “Laçi”(Albaniya), Mahmud Qurbanov  “Qəbələ” – “Dinamo” (Gürcüstan) qarşılaşmasını izləyəcək. Faiq Əzizov isə “Mladost” (Monteneqro) – “Neftçi” oyununu izləmək üçün Podqoritsa şəhərinə səfər edəcək.