Bakıda keçirilən IV İslam Həmrəyliyi Oyunlarının su polosu yarışlarına yekun vurulub. Apasport.az saytının məlumatına görə, yalnız kişilərin mübarizə apardığı Vaterpol arenasında 5 komanda qüvvəsini sınayıb.

Bu gün sonuncu – V turun görüşləri keçirilib. Azərbaycan yığması 3-cü yer baxımından həlledici olan qarşılaşmada Səudiyyə Ərəbistanı ilə görüşüb. Lakin millimiz asiyalılarla bacarmayıb.

Yekunda 7:11 hesabı ilə uduzan komandamız İslamiadanı 4-cü pillədə başa vurub. Bunadək millimiz İrana 10:16, Türkiyəyə 2:18 hesabı ilə uduzub və yalnız İndoneziyanı məğlub edib – 9:7

Yarışın qalibi adına da son tur aydınlıq gətirib. İran və Türkiyə arasında görüşün heç-heçə başa çatması (9:9) sonuncuları top fərqində çempionluğa daşıyıb.

IV İslam Həmrəyliyi Oyunları

Su polosu

V tur

İran – Türkiyə - 9:9

Azərbaycan – Səudiyyə Ərəbistanı – 7:11

Azərbaycan: Polad Fətəliyev, Murat Ayhan, Aleksandar Markoviç, Ümid Məmmədov, Əli Şirinov, Kamran Kərimov, Elçin İbrahimov, Emil İbrahimov, Ayrat İsmayılov, Roman Vladıka, Mixail Kuznetsov, Məmməd Cəfərzadə (k), Ayhan Tevfik

Baş məşqçi: Ənvər Məhərrəmov