Bakı. Kənan Həsənov - APA-Sport. Cənubi Osetiya Respublikasının baş naziri Nikolay Xlıntsov Azərbaycanın futbol üzrə milli komandasının Avropa çempionatının seçmə mərhələsində Rusiya ilə keçirəcəyi oyunla bağlı maraqlı təklif irəli sürüb. “APA-Sport” agentliyinin məlumatına görə, N.Xlıntsov Rusiya yığmasının 2009-cu il oktyabrın 14-də Bakıda keçiriləcək oyuna Cənubi Osetiyada hazırlaşmasını təklif edib: “Milli komandanın respublikamıza gəlməsi böyük bayram olardı. Elə-belə qonaq gələ bilərlər. Yada ki, Azərbaycanla səfərdə keçirəcəkləri oyunun hazırlığını respublikamızda keçirmək mümkündür. Azərbaycan bizimlə yaxın məsafədə yerləşən ölkədir və buradan Bakıya səfər yorucu olmaz”. Rusiya milli komandasının hollandiyalı baş məşqçisi Qus Hiddink isə öz növbəsində bu təklif üzərində düşünəcəklərini bildirib.