Azərbaycanın voleybol yığmasının lideri Natalya Məmmədovanın şərəfini qoruduğu “Türk Telekom” Çempionlar Liqasında mərhələ adlamaq şansını saxlayıb. Apasport.az saytının məlumatına, Ankara təmsilçisi Fransanın “Kann” klubundan bir həftə öncəki məğlubiyyətin əvəzini çıxıb.

Rəqibini doğma meydanda qəbul edən “Türk Telekom” 3:1 hesablı qələbəyə sevinib. Məmmədova əsas heyətdə mübarizə aparıb və komandasına 8 xal qazandırıb. Rəqib düşərgədə isə milli komandamızın sabiq üzvü Viktoriya Ravva 5 xal toplayıb.

Bu qələbə sayəsində xallarının sayını 6-ya çatdıran “Türk Telekom” 3-cü pilləyə yüksəlib. Ankaralılar lider, Serbiyanın “Postar 064” klubundan və “Kann”dan cəmi bir xal geri qalır.