21 yaşadək futbolçular arasında Avropa çempionatının seçmə mərhələsində çıxış edən Azərbaycan millisinin son ev oyununun vaxtı və yeri dəqiqləşib. Apasport.az saytının məlumatına görə, sentyabrın 3-də İsrail yığmasını qəbul edəcək Bernard Lippertin yetirmələri ev oyununu “Dalğa Arena” stadionunda keçirəcək.
Seçmə mərhələni ötən il bu arenada Makedoniya ilə qarşılaşma ilə (0:0) başlayan yığmamız növbəti 2 görüşü “Bayıl Arena”da keçirmişdi. Orada Portuqaliyadan 2, Norveçdən 1 cavabsız qol buraxan millimiz xal qazandığı “Dalğa Arena”ya qayıdacaq.
Azərbaycan – İsrail oyunu saat 19:00-da başlayacaq.
Qeyd edək ki, millimiz 8-ci seçmə qrupundakı son oyununu sentyabrın 8-də səfərdə Portuqaliya ilə keçirəcək.