Bakı. Kənan Həsənov - APA-Sport. Azərbaycan qılıncoynadanları mayın 9-da İtaliyanın Montsa şəhərində start götürəcək 23 yaşadək gənclər arasında Avropa çempionatında iştirak edəcəklər. Bu haqda “APA-Sport” agentliyinə Qılıncoynatma Federasiyasının vitse-prezidenti Yaşar Məmmədov məlumat verib. Onun sözlərinə görə, ilk dəfə təşkil olunacaq birincilikdə sablya üzrə milli komandamızın üzvləri – Səbinə Əmrahzadə, Sevil Bünyatova, Ramin Əmirov, Cəlil Ələsgərov, Yusif Budaqov və Namiq Ağakərimov mübarizə aparacaqlar. Mayın 11-də baş çatacaq yarışın hakimlər korpusunda isə beynəlxalq dərəcəli referi Fikrət Vəliyev yer alacaq.

• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar