“Ramil Quliyevin komandamızın formasını geyinməsi ilə bağlı cəhdlərimiz davam edir. Azərbaycan tərəfi ilə təmasdayıq”. Apasport.az saytının məlumatına görə, bunu Türkiyənin gənclər və idman naziri Suat Kılıç deyib.

Nazir 2011-ci il aprelin 5-də Türkiyə vətəndaşlığını qəbul edən azərbaycanlı sprinter Ramil Quliyevin bu ölkənin adından çıxış etməsi məsələsinin hələ həll olunmadığını bildirib. Onun sözlərinə görə, danışıqlar artıq 2 nazir arasında gedir: “Biz Azərbaycan gənclər və idman naziri Azad Rəhimovla görüşürük. Onlardan anlayış gözləyirik. İnanırıq ki, “2 dövlət, 1 millət” olmağın gərəkliyini ortaya qoyacaqlar”.

Qeyd edək ki, Azərbaycan Atletika Federasiyasının icazəsi olmadan Ramil 3 il “ay-ulduzlu” formanı geyinə bilməz. Qaydalara əsasən, onun bu illərdə Azərbaycan millisində çıxış etmək hüququ var.

• “IRONMAN 70.3”: Bakının bəzi yollarında nəqliyyatın hərəkəti tənzimlənəcək
• Bakıda keçiriləcək "Alufar IRONMAN 70.3" triatlon yarışı çərçivəsində tədbirlərə start verilib
• Bakıda 18 yaşdan 80 yaşadək triatlonçular mübarizə aparacaq
• Yubiley Formula 1 Azərbaycan Qran-Prisi üçün yeni tribuna quraşdırılıb
• Azərbaycan kikboksçusu 2 il müddətinə diskvalifikasiya olunub