Azərbaycan taekvondoçuları 16-21 yaşlıların lll Avropa çempionatına yollanır. Taekvondo Federasiyasından apasport.az saytına verilən məlumata görə, Yunanıstanın paytaxtı Afinada növbəti yarışda 11 idmançımız iştirak edəcək.

Milli komandanın baş məşqçisi Ələkbər İmaməliyev 7 oğlan və 4 qız taekvondoçunu - İmran Zalovu (54 kq), Pərvin Əliyev (58 kq), Elxan İsayev (63 kq), Səbuhi İsmayılzadə (68 kq), Vladislav Subbotin (74 kq), Ceyhun Həsənli (80 kq), Aydın Bəhməlovu (87 kq), Xəyalə Quliyeva (46 kq), Türkanə Tahirli (49 kq), Günay Ağayeva (53 kq) və Aytən Səmədlini (57 kq) heyətə cəlb edib.

Qeyd edək ki, yarış iyun 14-17-də keçiriləcək. Ayın 11-də yola düşəcək seçmə komandamız isə 8 gün sonra vətənə qayıdacaq.

• Dağ velosipedi üzrə Azərbaycan Kubokunun 3-cü mərhələsinə yekun vurulub
• Azərbaycanla Belarus arasında idman memorandumu
• III Xankəndi Ultramarafonuna yekun vurulacaq
• Kamandan oxatma üzrə Azərbaycan Superkuboku keçiriləcək
• Asunsion Loriyente Bakıda Azərbaycan Su İdmanı Federasiyasının fəaliyyəti ilə tanış olub