Tokio Yay Olimpiya Oyunlarında iştirak edəcək idmançılar və tamaşaçılar Yaponiyada karantinə alınmaq təhlükəsi ilə üzləşməyə bilər.

Apasport.az saytının məlumatına görə, Tokio-2020 Təşkilat Komitəsinin baş katibi Toşiro Muto Yaponiya hökumətinin bununla bağlı danışıqlar apardığını söyləyib.

Onun sözlərinə görə, bu plan təsdiqlənərsə, yarış üçün ölkəyə yollanacaq şəxslərin əlverişli epidemioloji şərtlərə sahib ölkələrdən gələcəkləri təqdirdə iki həftəlik karantinə alınmalarına ehtiyac qalmayacaq: “Bununla bağlı son qərar gələn ilin yaz aylarından əvvəl veriləcək. Eyni zamanda, yarışlara neçə tamaşaçının buraxılacağı da müzakirələrdən sonra müəyyənləşəcək”.

Qeyd edək ki, bu il baş tutmalı olan Tokio-2020 Yay Olimpiya Oyunları koronavirus pandemiyası səbəbindən gələn ilə təxirə salınıb. Yarışın 23 iyul - 8 avqust 2021-ci il tarixlərində keçirilməsi planlaşdırılır.
 

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb