Azərbaycan millisinin və “Neftçi”nin futbolçusu Eddi İsrafilov əməliyyat olunub.

Apasport.az saytının məlumatına görə, bunu Bakı klubunun mətbuat xidməti açıqlayıb.

Yarımmüdafəçinin diz oynağında artroskopik olaraq meniskdə təmizlənmə əməliyyatı aparılıb. 31 yaşlı futbolçu 3-4 həftədən sonra fərdi məşqlərə başlayacaq. 

Eddi bununla bağlı klubun rəsmi saytına açıqlama verib: “Uzun müddət menisk yırtığı ilə oynayırdım, amma daha ağrıya dözə bilmədim və meniskdə təmizlənmə əməliyyatı aparıldı. Zədələrim fərqli zədələr deyildi, həmişə eyni zədə olub, buna baxmayaraq, ağrıkəsicilərdən istifadə edərək oynamağa davam edirdim. Arzu edirəm ki, tezliklə bərpa olum və bu mövsümdə qarşımıza qoyulan məqsədlərə çatmaq üçün komandaya kömək edə bilim”.
 

• Birinci Liqa: "Qəbələ" "Qaradağ Lökbatan"ı, “İmişli” “Difai Ağsu”nu darmadağın etdi - YENİLƏNİB
• “Sumqayıt”ın üzvü “Asiya Futbol Mükafatları”na namizəddir
• U-15 millimiz yenə məğlub olub
• Azərbaycan Kubokunun püşkatma mərasimi keçiriləcək
• "Azərreyl" millimizin üzvü ilə müqavilə yeniləyib