Bu gün AFFA-nın İntizam Komitəsinin iclası keçirilib.
Apasport.az xəbər verir ki, bunu qurumun mətbuat xidməti açıqlayıb.
Yığıncaqda aşağıdakı qərarlar qəbul olunub:
I Liqada “Mingəçevir” klubunda çıxış edən 22.01.2003-cü il təvəllüdlü Xudaverdiyev Xəyal Aqil oğlu danışılmış oyunlarda iştiraka görə ömürlük müddətdə futbol ilə əlaqədar hər hansı fəaliyyətlə məşğul olmaq hüququndan məhrum edilsin (maddə 107.2);
I Liqada “Mingəçevir” klubunda çıxış edən 27.05.1999-cu il təvəllüdlü Kərimov Mövlan Elşən oğlu danışılmış oyunlarda iştiraka görə ömürlük müddətdə futbol ilə əlaqədar hər hansı fəaliyyətlə məşğul olmaq hüququndan məhrum edilsin (maddə 107.2);
I Liqada “Mingəçevir” klubunda çıxış edən 22.07.2002-ci il təvəllüdlü Nəzərli Muxtar Mehman oğlu danışılmış oyunlarda iştiraka görə ömürlük müddətdə futbol ilə əlaqədar hər hansı fəaliyyətlə məşğul olmaq hüququndan məhrum edilsin (maddə 107.2);
26 yanvar 2025-ci il tarixində Misli Premyer Liqasında XX turun “Araz-Naxçıvan” – “Neftçi” oyununda “Neftçi” klubunun azarkeşləri tərəfindən stadionda 17 ədəd oturacağın qırılması ilə əlaqədar stadiona dəymiş zərər “Neftçi” klubu tərəfindən ödənilsin (maddə 54.2);
26 yanvar 2025-ci il tarixində Misli Premyer Liqasında XX turun “Qarabağ” – “Turan Tovuz” oyunu bitdikdən sonra “Qarabağ” klubu AFFA nümayəndəsinin tələblərini yerinə yetirmədiyinə görə “Qarabağ” klubu 2000 manat cərimə edilir (maddə 73.3);
27.01.2025-ci il tarixində Əvəzedicilər liqasında XX turun “Araz-Naxçıvan-2” – “Neftçi-2” oyununda “Araz-Naxçıvan-2” komandası matçın ilkin protokolunu elektron bazada gec təsdiq etdiyinə görə “Araz-Naxçıvan-2” komandası 100 manat cərimə edilir (maddə 91);
27.01.2025-ci il tarixində Əvəzedicilər liqasında XX turun “Araz-Naxçıvan-2” – “Neftçi-2” oyununun matçöncəsi iclasında stadion və təhlükəsizlik nümayəndəsi iştirak etmədiyinə görə “Araz-Naxçıvan-2” komandası 80 manat cərimə edilir (maddə 73.1);
27.01.2025-ci il tarixində Əvəzedicilər liqasında XX turun “Araz-Naxçıvan-2” – “Neftçi-2” oyununda “Neftçi-2” komandasının heyətində 4 futbolçu sarı vərəqə aldığına görə “Neftçi-2” komandası 70 manat cərimə edilir (maddə 37);
27.01.2025-ci il tarixində Əvəzedicilər liqasında XX turun “Qarabağ-2” – “Turan Tovuz-2” oyununda “Turan Tovuz-2” komandasının heyətində 5 futbolçu sarı vərəqə aldığına görə “Turan Tovuz-2” komandası 70 manat cərimə edilir (maddə 37);
24 yanvar 2025-ci il tarixində AFFA Gənclər Liqasında keçirilən “Şamaxı” FK – “Səbail” PFK oyununda “Səbail” PFK komandasının heyətində 10 nömrəli futbolçu Aslan Hüseynov qarşılaşmanın 90+4-cü dəqiqəsində rəqib komandanı təhqir etdiyinə görə qırmızı vərəqə ilə meydandan kənarlaşdırılmasına görə 3 oyun cəzalandırılsın. (maddə 43.1)
25 yanvar 2025-ci il tarixində AFFA Gənclər Liqasında keçirilən “Qarabağ” FK – “Sabah” FK oyununda “Sabah” FK komandasının heyətində 96 nömrəli futbolçu Emil Əmirov qarşılaşmanın 45-ci dəqiqəsində qeyri idman hərəkətinə görə ikinci sarı vərəqə ilə meydandan kənarlaşdırılmasına görə 1 oyun cəzalandırılsın. (maddə 36.5)
25 yanvar 2025-ci il tarixində AFFA Gənclər Liqasında keçirilən “Qarabağ” FK – “Sabah” FK oyununda “Qarabağ” FK komandasının heyətində 19 nömrəli futbolçu Eltun Babazadə qarşılaşmanın 87-ci dəqiqəsində təcavüzkar davranışa görə qırmızı vərəqə ilə kənarlaşdırılmasına görə 2 oyun cəzalandırılsın. (maddə 40.1)
22 yanvar 2025-ci il tarixində AFFA U-17 Liqasında keçirilən “European Football Academy” – “Səbail” PFK oyununda “European Football Academy” komandasının heyətində 10 nömrəli futbolçu Nicat Quluzadə qarşılaşmanın 90-cı dəqiqəsində ciddi kobud oyuna görə qırmızı vərəqə ilə meydandan kənarlaşdırılmasına görə 2 oyun cəzalandırılsın. (maddə 39.1)
26 yanvar 2025-ci il tarixində AFFA U-17 Liqasında keçirilən “Araz Naxçıvan” PFK – “Zirə” PFK oyununda “Zirə” PFK komandasının geyim meneceri Samir Həşimov qarşılaşmanın 40-cı dəqiqəsində hakimin qərarına etiraz etdiyinə görə ikinci sarı vərəqə ilə texniki zonadan kənarlaşdırılmasına görə 1 oyun cəzalandırılsın. (maddə 42.4)
23 yanvar 2025-ci il tarixində AFFA U-16 Liqasında keçirilməli olan “Səbail” PFK - “Mübariz” FA oyunu “Mübariz” FA komandasının heyətində yetərsay olmadığına görə baş tutmadığına görə “Mübariz” FA komandasına 0:3 hesablı texniki məğlubiyyət verilsin (maddə 63.1).
26 yanvar 2025-ci il tarixində AFFA U-16 Liqasında keçirilən “Şamaxı” FK – “Neftçi” PFK oyununda “Neftçi” PFK komandasının heyətində 14 nömrəli futbolçu Hüseyn Hümbətov qarşılaşmanın 55-ci dəqiqəsində qeyri idman hərəkətinə görə ikinci sarı vərəqə ilə meydandan kənarlaşdırılmasına görə 1 oyun cəzalandırılsın. (maddə 36.5)
25 yanvar 2025-ci il tarixində AFFA U-15 Liqasında keçirilən “Qəbələ” İK – “Sabah” FK oyununda “Sabah” FK komandasının heyətində 6 nömrəli futbolçu Kənan Əliyev qarşılaşmanın 69-cu dəqiqəsində rəqibi təhqir etdiyinə görə qırmızı vərəqə ilə meydandan kənarlaşdırılmasına görə 3 oyun cəzalandırılsın. (maddə 43.1)
25 yanvar 2025-ci il tarixində AFFA U-14 Liqasında keçirilən “European Football Academy” – “Qarabağ” FK oyununda “Qarabağ” FK komandasının heyətində 17 nömrəli futbolçu Məhəmməd Bağırov qarşılaşmanın 33-cü dəqiqəsində qeyri idman hərəkətinə görə ikinci sarı vərəqə ilə meydandan kənarlaşdırılmasına və meydanı tərk etdiyi zaman hakimlər briqadasını təhqir edilməsinə görə 3 oyun cəzalandırılsın. (maddə 43.3)
25 yanvar 2025-ci il tarixində AFFA U-13 Liqasında keçirilən “Xan” FK – “Ulduz” FA oyununda “Ulduz” FA komandasının heyətində 28 nömrəli futbolçusu Rasim Əliyevin qarşılaşmanın 58-ci dəqiqəsində oyunun bərpasını ləngitdiyinə görə ikinci sarı vərəqə ilə meydandan kənarlaşdırılmasına görə 1 oyun cəzalandırılsın. (maddə 36.5)
26 yanvar 2025-ci il tarixində AFFA U-13 Liqasında keçirilməli olan “Troya” FC – “Lamasya Baku” oyunu “Troya” FC komandasının heyətində yetərsay olmadığına görə baş tutmadığına görə “Troya” FC komandasına 0:3 hesablı texniki məğlubiyyət verilsin (maddə 63.1).
Oxşar xəbərlər
Ana səhifə
Bütün xəbərlər