Misli Premyer Liqasının XXII turunda “Zirə” ilə keçirilən görüş “Neftçi” üçün əlamətdar olub.

Apasport.az xəbər verir ki, “ağ-qaralar” səfərdə rəqibi üzərində 2:1 hesablı zəfər qazanıb.

Bu nəticə “Neftçi”nin cari mövsümdəki ilk səfər qələbəsi olub.

Bundan əlavə, oyunda komandanın kapitanı Emin Mahmudov ilk qolu vuraraq “Neftçi”nin səfər matçlarında vurduğu 650-ci qola imza atıb.

Xatırladaq ki, geridə qalan 10 səfər matçında “Neftçi” 5 məğlubiyyət alıb, 5 oyunda isə heç-heçə edib.

Qeyd edək ki, Samir Abasovun yetirmələri bu qələbə sayəsində xallarının sayını 24-ə çatdıraraq turnir cədvəlində 6-cı pilləyə yüksəlib.

• Samir Abasov: “ Martın 22-si demişdim, ancaq onu deməmişdim”
• Rəşad Sadıqov: “Rəqibi təbrik edirəm”
• “Neftçi”dən fantastik qələbə - YENİLƏNİB
• Nesta yenidən “Monza”da
• Elmar Baxşıyev: "Hər iki cəbhədə oynamağa çalışacağıq"