“Hədəfim Azərbaycana qızıl medal qazandırmaqdı”. Bunu apasport.az saytına açıqlamasında Azərbaycan yığmasının boksçusu Məhəmmədrəsul Məcidov deyib.

Bakıda keçirilən IV İslam Həmrəyliyi Oyunlarında +91 kq çəki dərəcəsində çıxış edən dünya çempionumuz qazaxıstanlı Nurlan Saparbayev üzərində qələbə qazanaraq, adını 1/4 finala yazdırıb.

Məcidov zədəsinin olmasına baxmayaraq, yarışa yaxşı hazırlaşdığını deyib: “Mən yarışlara yaxşı hazırlaşmışdım, lakin zədəm var idi. Əminəm ki, növbəti döyüşdə də qalib gələcəm. Məqsədim bütün döyüşləri qələbə ilə başa vurmaqdı. Fəxr edirəm ki, Azərbaycanı təmsil edirəm”.