Topaz Premyer Liqasının XII turunda keçirilən AZAL – “Qəbələ” qarşılaşması məhsuldar heç-heçə - 3:3 hesabı ilə başa çatıb. Apasport.az saytının məlumatına görə, 3 və daha artıq qol vuran komandaların bərabərliyinə cari mövsümdə ilk dəfə təsadüf olunub. 

Azərbaycan çempionatları tarixində 11-ci dəfədir ki, 6 və daha çox olun vurulduğu matç heç-heçə nəticələnir. Belə ki, bunadək 10 dəfə belə hal yaşanmışdı. Mütləq rekord 1998/99 mövsümündə 12 qollu “Viləş” (Masallı) – “Turan” (Tovuz) qarşılaşmasına məxsusdur - 6:6.

Bir dəfə 4:4, doqquz dəfə 3:3 hesabı yaşanıb.

Maraqlıdır ki, sonuncu belə hadisə də AZAL-ın iştirakı ilə baş tutub. 5 il öncə “Olimpik-Şüvəlan” adını daşıyan bakılılar “Turan”la ev oyununda 3 qol vurub, 1 xal qazanıb.