Bakının “Lokomotiv” klubu ötən il heyətində çıxış edən 3 amerikalı voleybolçudan yalnız biri ilə müqaviləni yeniləyib. Apasport.az saytının məlumatına görə, “dəmiryolçular” ABŞ millisinin aparıcı üzvü Nansi Metkalfı heyətdə saxlamağa qərar veriblər.

Onunla yenidən 1 mövsümlük müqavilə imzalanıb. “Lokomotiv” Metkalfdan fərqli, Kristin Riçards və Nikol Devisə qapını göstərib.

Qeyd edək ki, hələlik yalnız “Rabitə”dən Diana Nenovanı transfer edən “Lokomotiv” ötən ilki heyətdən Mariya Filipova, Kremena Kamenova (hər ikisi Bolqarıstan), Aleksandra Samoylova (Rusiya) və Vera Klimoviçi (Belarus) komandada saxlayıb.

• Millimiz Portuqaliya ilə qarşılaşacaq
• Möhtəşəm geridönüş - Türkiyə Almaniyanı məğlub etdi
• Eldar Zülfüqarov Avropa Liqasının oyunlarına təyinat alıb
• Qadın və kişi voleybolçulardan ibarət millimiz Avropa Liqasında mübarizəni davam etdirirlər
• Bakıda keçiriləcək çimərlik voleybolu üzrə beynəlxalq turnirə 40 komanda qatılacaq