“İqtisadçı” klubu fanatlarını təəccübləndirməkdə davam edir. Apasport.az saytının məlumatına görə, istədiyi an baş məşqçisini və ya oyunçusu ilə yollarını ayıran universitet klubu 1 aylıq (!) yeni oyunçu transfer edib.

Belə ki, Bakı təmsilçisi Kuba yığmasının sabiq 2-ci zona voleybolçusu Daimi Ramires Eçevarria ilə anlaşıb. 30 yaşlı şimali amerikalı mövsümün sonuna kimi “İqtisadçı”nın şərəfini qoruyacaq. O, bu ili Braziliyanın “Amil Kampinas” klubunda keçirib. Daha doğrusu, komandası pley-off mərhələsində uduzduqdan sonra sərbəst oyunçu statusu ilə “İqtisadçı”ya gəlib.

Panamerika Oyunlarının və Kubokunun çempionu (2007) olan Eçevarria 2004-cü ildə Afina Olimpiadasının bürünc medalını qazanıb. O, həmçinin 2008-ci ildə dünya Qran-prisinin finalında oynayıb və yarışın ən yaxşı hücumçusu seçilib.

Qeyd edək ki, Azərbaycan Super Liqasının aprelin sonuna kimi yekunlaşmalıdır.

• III MDB Oyunları: Voleybol yarışlarının təqvimi açıqlanıb
• Voleybol üzrə Yüksək Liqaların yeni mövsümünün püşkü atılıb - FOTO
• Bakı təmsilçisindən yeni transfer
• “Murov Az Terminal"da yeni müqavilə
• “Murov Az Terminal”da yeni müqavilə