3-cü finiş derbi ilə başa çatır

03.04.2013 - 15:34

Sabah Super Liqada təxirə salınmış XIX turun oyunları keçiriləcək. Apasport.az saytının məlumatına görə, Voleybol Mərkəzində baş tutacaq III dövrənin son turu “Azərreyl” – “Rabitə” derbisi ilə əlamətdar olacaq.

İlk 2 dövrədəki duellərdə hər komanda 1 qələbə qazandığından bu matç daha maraqlı alınacaq. “Rabitə” qalib gələcəyi halda çempionluğa doğru növbəti addım atacaq. Onların məğlubiyyəti isə “Azərreyl”in xeyrinə olacaq. Çünki yalnız baş məşqçi dəyişikliyindən sonra özünə gələn “dəmiryolçular” qalib gəlməyə də borcludurlar. Əks halda onlar gümüş medallara belə həsrətlə baxmaq təhlükəsi ilə üz-üzə qala bilərlər.

Bu oyundan sonra start götürəcək “İqtisadçı” – “Lokomotiv” görüşü də böyük maraq doğurur. Çünki ən pis halda ikinci yeri hədəfləyən, gündə birini yola salıb, digərini transfer edən “İqtisadçı” uduzacağı halda işini çətinə sala bilər. Lakin “Lokomotiv”in də meydana 3 xal üçün çıxacağı sözsüzdür. Çünki “dəmiryolçular” növbəti dəfə məğlub olarlarsa ilk “üçlük”dən çox aralı düşəcəklər. Bunun üçün görüşün gərgin keçəcəyi gözlənilir.

Günün ilk matçında isə autsayderlər - “Lokomotiv Biləcəri” “Telekom”la üz-üzə gələcək. Görüşdə yenə dübütantın qalib gələcəyi proqnozlaşdırılır. Çünki biləcəri təmsilçisi hələ onlardan 1 set belə ala bilməyiblər.

4 aprel
XIX tur
15:00. “LOKOMOTİV BİLƏCƏRİ” – “TELEKOM”
İlk oyun: “Lokomotiv Biləcəri” - “Telekom” - 0:3 (21:25, 20:25, 21:25)
İkinci oyun: “Telekom” – “Lokomotiv Biləcəri” - 3:0 (25:19, 25:19, 25:12)

17:00. “AZƏRREYL” – “RABİTƏ”
İlk oyun: “Azərreyl” - “Rabitə” - 3:1 (25:21, 21:25, 25:19, 25:23)
İkinci oyun: “Rabitə” – “Azərreyl” - 3:0 (25:20, 25:22, 25:22)

19:00. “İQTİSADÇI” – “LOKOMOTİV”
İlk oyun: “İqtisadçı” - “Lokomotiv” - 3:1 (25:22, 17:25, 25:10, 25:20)
İkinci oyun: “Lokomotiv” – “İqtisadçı” - 2:3 (25:22, 25:18, 19:25, 19:25, 11:15)

1	Rabitə	17	15	2	48-13	1504-1174	46
2	İqtisadçı	17	13	4	42-19	1433-1220	38
3	Azərreyl	17	12	5	41-18	1405-1231	37
4	Lokomotiv	17	10	7	38-26	1439-1341	30
5	Bakı-Azəryol	18	8	10	30-35	1422-1447	23
6	Telekom	17	2	15	6-45	916-1240	6
7	Lokomotiv-Biləcəri	17	0	17	2-51	851-1320	0