“Bizim üçün vacib görüş idi. Çünki, qələbə sayəsində qrupda liderliyimizi davam etdirəcəkdik”. Apasport.az saytının məlumatına görə, bu sözləri “Rabitə” voleybol klubunun baş məşqçisi Eldar Yusubov Çempionlar Liqasının qrup mərhələsində “Dresdner”lə (Almaniya) keçirilən qarşılaşmadan sonra deyib.

3:0 hesabı ilə qalib gəldikləri oyuna münasibət bildirən Yusubovun sözlərinə görə, vaxtından əvvəl pley-off mərhələsinə vəsiqə qazanmaları komandanı arxayınlaşdırmamalıdır: “Biz çox yaxşı komandaya qarşı oynadıq. Voleybolçular inamlı təsir bağışlayaraq, böyük iş gördülər. Buna baxmayaraq, biz hələ çox çalışmalıyıq. Mövsüm üçün hədəflərimiz və iddialarımız böyükdür”.

Qeyd edək ki, Çempionlar Liqasının son 2 turunda “Rabitə” qrup liderliyini saxlamaq üçün oynayacaq.

• III MDB Oyunları: Millimiz Özbəkistana məğlub olub - FOTO
• İtaliyada Avropa çempionatının püşkatma mərasimi keçiriləcək
• Millimiz ilk qələbəsini qazandı
• Yığmamızdan qələbə ilə start
• III MDB Oyunları: Voleybol yarışlarının təqvimi açıqlanıb