[b]Azərbaycan çempionu avrokuboka buraxılmadı [/b]

12.06.2014 - 09:40

Kişi voleybolçulardan ibarət Azərbaycan klubları yeni mövsümdə də avrokuboka qatılmayacaqlar. Apasport.az saytının məlumatına görə, Avropa Voleybol Konfederasiyasının açıqladığı siyahıda ölkə təmsilçilərimiz yer almayıblar.

Belə ki, bu mövsüm Azərbaycan çempionatı 84 klubla start götürərək, bütün bölgələrimizi əhatə etsə də, komandalarımızın beynəlxalq arenaya çıxışı məqsədəuyğun sayılmayıb. Hazırda davam edən birinciliyimizin final mərhələsinin qalibi isə yalnız ölkə titulu ilə kifayətlənəcək.

Qeyd edək ki, Azərbaycan klublarından sonuncu dəfə “Azərneft” avrokubokda (Çelenc Cup) 2010/2011 mövsümündə oynayıb. Bu komanda isə artıq mövcud deyil.