Yeni mövsümdə “Rabitə”nin şərəfini qoruyacaq daha bir voleybolçunun adı dəqiqləşib. Apasport.az saytının məlumatına görə, son illərin dəyişməz Azərbaycan çempionu Nataşa Krsmanoviçlə müqavilənin müddətini uzadıb.
Belə ki, 2010-cu ildən Bakı klubunda çıxış edən, burada keçirdiyi 4 mövsümdə Super Liqanın qalibi olan, klublararası dünya çempionatının qızıl və gümüş medalını qazanan, həmçinin Çempionlar Liqasının 2 dəfə finalında oynayan serbiyalı blokçu daha 1 il “Rabitə”nin uğurları üçün çalışacaq. O, artıq rəsmi müqaviləyə də imza atıb.
Krsmanoviçdən fərqli, kapitan Sanya Staroviçin taleyinə hələ tam aydınlıq gəlməyib. “Rabitə”nin son 6 ildə uğurlarında pay sahibi olan hücumçunun yeni ildən yeni klubda çıxış edəcəyi də istisna edilmir.
Qeyd edək ki, Nataşa ilə komandadakı oyunçuların sayı 18-yə çatıb. Bakı təmsilçisi ona qədər Katarjina Skovronska, Aurea Kruz (hər ikisi 1 il), Katarjina Skorupa və Nutsara Tomkomla (2 il) da anlaşmanın müddətini uzatmışdı. Həmçinin, müqaviləyə əsasən Brenda Kastillo, Foluke Akenradevo (daha 1 il), Rozanna Giel Ramos, Yoana Palasio Mendoza, Salas Vilma Rosell, Xiselye da Silva Franko ( hamısı 5 il), Tori Dikson, Gina Mankuso, Kristi Cekson, Kayla Banvart, Britni Kuper, Reyçel Rurk və Dora Horvat (hamısı daha 2 il) da “Rabitə”yə məxsusdur.
Oxşar xəbərlər
Ana səhifə
Bütün xəbərlər