Ukrayna klubu millimizlə oyun üçün Bakıya gəldi

01.05.2014 - 12:06

Kişi voleybolçulardan ibarət Azərbaycan millisi Avropa çempionatının I təsnifat mərhələsinə hazırlığını davam etdirir. Apasport.az saytının məlumatına görə, komandamız bu gündən yoxlama matçlarına start verəcək.

Artıq bu məqsədlə Ukraynanın “Barkom-Kajani” klubu paytaxtımızdadır. Son mövsümü yerli çempionatda 7 komanda arasında 6-cı yerdə bitirən Lvov təmsilçisi ilə 3 sınaq görüşü keçiriləcək. İlk matç bu gün oynanılacaq. Ardınca mayın 2-də və 3-də də qarşılaşmalar baş tutacaq. Hər 3 oyun saat 15:00-da başlayacaq.

Qeyd edək ki, paytaxtımıza Ukrayna klubu ilə yanaşı, Türkiyə, Qazaxıstan və İran komandalarının gəlişi gündəmdə olsa da, son anda bu reallaşmayıb.