FİFA milli komandaların 2022-ci ildəki son reytinq siyahısını açıqlayıb.

Apasport.az saytının məlumatına görə, hesabat dövrünə təsadüf edən DÇ-2022, həmçinin yoldaşlıq oyunları müəyyən dəyişikliklərə səbəb olub.

Bu, Azərbaycan millisindən də yan ötməyib. Canni de Byazinin baş məşqçisi olduğu komanda 1151,82 xalla dünya sıralamasında 121-ci pillədə qərarlaşıb. 

Yığmamız ötən reytinqlə müqayisədə 5,10 xal qazanaraq 2 addım irəliləyib. Yoldaşlıq oyunlarında Moldova (2:1) və Şimali Makedoniyaya (3:1) qalib gələn millimiz iki komandanı  keçib.

Qardaş Türkiyə yığması 1465,38 xalla 44-cüdür. “Ay-ulduzlular” da bir pillə irəliləyib.

Qeyd edək ki, Braziliya 1-ci sıradakı yerini qoruyub – 1840,77. Dünya çempionu Argentina (1838,38) və vitse-çempionu Fransa (1823,39) hərəyə bir pillə irəliləyərək Belçikanı ilk “üçlük”dən sıxışdırıb.
 

• Elvin Əlizadə: “Millimiz indi daha güclüdür” - Müsahibə
• “Zirə” – “Qəbələ” oyununun hakimləri açıqlandı
•  I Liqa təmsilçisi hakimliklə bağlı bəyanat yaydı
• İtaliya klubları Lukaku ilə maraqlanır
• Mahirin qolu “Konyaspor”u xilas etdi