Azərbaycan millisinin kapitanı Emin Mahmudov AVRO-2024-ün seçmə mərhələ çərçivəsində Avstriyaya qarşı keçiriləcək matçdan öncə mətbuat konfransında iştirak edib.
Apasport.az xəbər verir ki, yarımmüdafiəçi sabah keçiriləcək oyunla bağlı danışıb. O, jurnalistlərin suallarını da cavablandırıb:
- İlk növbədə bizi yaxşı komandaya qarşı oyun gözləyir. İntensiv futbol oynayırlar. İstəyirik ki, yaxşı nəticələrin davamı gəlsin. Sabah meydana qələbə üçün çıxacağıq . Əlimizdən gələni edəcəyik.
- Özünü millidə uğur talismanı sayırsan?
- Belə şeylərə inanmıram. Bəlkə də, kapitan kimi tez-tez gəlirəm, danışıram. Komandaya sözü mən çatdırıram.
- Milli uzun fasilədən sonra Tofiq Bəhramovda oynayacaq. Bu arenada oynamaq sizə necə təsir edəcək?
- Yaxşıdır ki, stadion şəhərin mərkəzindədir, azarkeş çox gələcək. Əsas oyur ki, uğurlu olsun.
- Avstriyaya necə qalib gəlmək olar?
- Çox sıx oynamaqla, bir-birimizə yaxın olmalıyıq. Çünki onlar yaxşı top saxlayır. Ara paslarını yaxşı verirlər. Arxada top itirməməliyik. Səfərdə 1:4 hesabı ilə uduzanda, onlar topu bizdən alıb hücuma qoşulurdular. Çalışacağıq ki, rəqibə çox şans verməyək. Çətindir, Avstriya çox yaxşı komandadır. Amma çalışacağıq ki, yaxşı nəticə olsun.
Oxşar xəbərlər
Ana səhifə
Bütün xəbərlər
Hesabım