Azərbaycan Kubokunun 1/8 final mərhələsinin "İmişli" - "Qəbələ" oyunundan sonra keçirilən mətbuat konfransında nominal ev sahiblərinin baş məşqçisi Əsgər Abdullayev matç haqqında fikirlərini bildirib.

Apasport.az xəbər verir ki, təcrübəli mütəxəssis daha sonra jurnalistlərin suallarını cavablandırıb:

 "Maraqlı oyun keçdi. "Qəbələ"ni qələbə münasibətilə təbrik edirəm. Sonuncu dəqiqədə qol buraxdıq. Daha diqqətli olmalıydıq. İstənilən halda, futbolçulardan, komandamdan razıyam".

- Sona qədər qapının toxunulmazlığını saxlamaq üçün təcrübə çatmadı, yoxsa rəqib çox güclü idi?

- Mən belə deməzdim. Hardasa diqqətsizlik rol oynadı. İstənilən halda, futbolçularıma göstərdikləri oyuna görə minnətdarlığımı bildirirəm. Sona qədər döyüşdülər, vuruşdular. Amma epizodlarda daha diqqətli olmaq lazımdır.

- Bu oyunla Premyer Liqa klublarına qarşı oynamağa hazır olduğunuzu göstərdiz?

- Bəli.

• Dünya və ya Avropa çempionatı Azərbaycanda keçirilə bilər
• “Sabah”dan 200-cü qol
• “Böyük beşlik” KUPONU
• 7 cüdoçumuz beynəlxalq yarışda mübarizə aparacaq
• Autsayderlər qarşı-qarşıya