“Sabah” futbol klubunun keçmiş baş məşqçisi Jelko Sopiçin Azərbaycandan çıxışına məhdudiyyət qoyulub.

Apasport.az “qafqazinfo”ya istinadən məlumat verir ki, onun barəsində Bakı Kommersiya Məhkəməsi qərar çıxarıb. 

Sopiç dövlət büdcəsinə olan 4600 manat vergi borcunu ödəmədiyi üçün ölkəni tərk etməsi qadağan edilib.

Onun barəsində Dövlət Vergi Xidməti tərəfindən qaldırılan iddia hakim Leyla Əliyeva tərəfindən təmin olunub.

Maraqlıdır ki, xorvatiyalı mütəxəssis hazırda Azərbaycanda deyil. Qanunlarımıza görə, ölkədə olmayan şəxsin çıxışına məhdudiyyət qoyulursa, həmin şəxs hər hansı vaxt Azərbaycana gələrsə, onun ölkədən çıxışı qadağan edilir.

Qeyd edək ki, Sopiç 2019-2020-ci illərdə “Sabah”ın baş məşqçisi olub.

• İsrail KUPONU
• Azərbaycan futbolunda görünməmiş nəticə
• Fatih Terim İtaliyaya qayıdır
• Kyokuşinkay karate üzrə Bakı birinciliyi keçirilib
• “Apasport”dan yutub KUPONU