Türkiyənin İstanbul şəhərində keçirilən qılıncoynatmanın sablya növü üzrə "Satellite" turniri başa çatıb.

Apasport.az xəbər verir ki, qadınlardan ibarət milli komandamızın lideri Anna Başta yarışda bürünc medal qazanıb.

Qadın sablyaçıların şəxsi yarışında qrup mərhələsini 5 qələbə ilə başa vuran Anna turnirin yarımfinalına kimi irəliləməyi bacarıb. Anna pley-offda Gürcüstan təmsilçisi Yeva Ahamian (15:5), əlcəzairli Kehla Zohra Nora (15:6), rumın Sabina Martis (15:12) və Türkiyə qılıncoynadanı Erbil Nisanura (15:8) qalib gələrək yarımfinala yüksəlib. O, burada güclü Ukrayna sablyaçısı Olqa Xarlanla qarşılaşıb. Başta turniri qalib başa vuran Olqa Xarlana 10:15 hesabı ilə uduzub.

• Premyer Liqada turun hakimləri açıqlandı
• Qollu kupon
• "Beşiktaş"da yeni hədəf
• Bakıdakı rapid yarışın qalibi özbək şahmatçı oldu
• Musa Qurbanlı Avropada qala bilərdi