Bu gün sayca 22-ci dünya çempionatı start götürəcək.

Apasport.az saytının məlumatına görə, 1930-cu ildən təşkil olunan yarışda indiyədək 8 komanda çempion olub.

Braziliya 5, Almaniya və İtaliya hərəyə 4 dəfə dünya kubokunu başı üzərinə qaldırıb. Uruqvay, Argentina və Fransanın iki uğuru var. İngiltərə ilə İspaniya isə yalnız bir dəfə planetin ən güclüsü olub.

Almaniya hamıdan çox – 8 dəfə finalda oynayıb. Braziliya 7 dəfə ilk iki yerdən birini tutub. İtaliyanın çempion və ya vitse-çempion olması 6 dəfə yaşanıb.

Almaniya həm də ümumi mükafat sayında rekordçudur – 12 dəfə. 4 qızıl, 4 gümüş və 4 bürüncü olan Bundestim böyük üstünlüyə malikdir. Braziliyanın 9 medalı var. İtaliya isə 7 dəfə əliboş dönməyib.

Ümumilikdə 20 ölkə “Top-3”də yer alıb. Bu ölkələr arasında qardaş Türkiyə də var. “Ay-uıduzlular” 2002-ci ilin bürünc mükafatçısıdır. 

• Kloppun 1000-ci, Aspilikuetanın 500-cü oyunu
• "Fənərbaxça" qalib gəldi, "Beşiktaş" uduzdu
• Kroos: “Çempionlar Liqası əvəzinə Avropa Liqasına – fərq böyükdür”
• 4,92 əmsallıq KUPON
• 47 milyonluq futbolçu "Tottenhem"də