“Tottenhem”in hücumçusu Karri Keyn İngiltərə çempionatlarında 200-cü qoluna imza atıb.

Apasport.az saytının məlumatına görə, bu, Premyer Liqanın IV turunda “Nottingem Forest”lə səfər oyununda baş verib.

Qarşılaşmanın 5-ci dəqiqəsində hesabı açan Keyn bununla londonluların heyətində Premyer Liqadakı qollarının sayını 186-ya çatdırıb. O, həmçinin Çempionşipdə 9 (7-si “Milluoll”, 2-si “Lester”lə), Birinci liqada isə 5 (“Leyton Orient”lə) dəfə fərqlənib.

“Nottingem Forest”lə görüşün ikinci hissəsində daha bir qol vuran ulduz futbolçu komandasına 2:0 hesablı qələbə qazandırıb və ümumi qolların sayını 201-ə çatdırıb.

Qeyd edək ki, Harri Keyn bundan əvvəl İngiltərə Premyer Liqasında bir klubun heyətində ən çox qol vurma rekordunu yeniləyib.

• Türk güləşçiyə Azərbaycan bayrağını dalğalandırmağa icazə verilmədi - VİDEO
• Millidən İLK - AVRO-2024
• “Apasport”dan 55 UDUŞ
• U-21 millimizdə yeni futbolçu
• 17 yaşlı futbolçu Braziliya millisinə dəvət alıb