İngiltərəni avrokuboklarda təmsil edəcək daha bir komanda müəyyənləşib.

Apasport.az saytının məlumatına görə, “Brayton” qitə miqyaslı turnirlərdə oynamaq hüququ qazanıb.

Roberto de Dzerbi buna Premyer Liqanın XXXVII turunda nail olub. “Sauthempton”a 3:1 hesabı ilə qalib gələn “Brayton” 36 oyundan sonra 61 xalla 6-cıdır.

“Aston” Villa”nın 58, “Tottenhem”in 57 xalı olsa da, onların hərəyə bir oyunu qalıb. “Brayton” isə hətta “Liverpul”un 66 xalla qərarlaşdığı 5-ci yerə də şansını qoruyur.

Bununla da komanda Avropa Liqası və ya Konfrans Liqasında oynamaq hüququ əldə edib. Bu, klub tarixində ilk belə uğurdur.

Qeyd edək ki, “Brayton” 2017-ci ildən Premyer Liqada çıxış edir. 
 

• Braziliyalı idmançı dopinqə görə diskvalifikasiya edilib
• Günün KUPONU
• “Neftçi” hamını qabaqladı
• Ərəb KUPONU
• “Apasport”dan 5 uduş