Türkiyənin Antalya şəhərində təlim-məşq toplanışında olan Bakının “Keşlə” klubu  sonuncu yoxlama oyununu keçirib.

Apasport.az saytının məlumatına görə, mövsümün ikinci yarısına hazırlaşan Tərlan Əhmədovun yetirmələri Slovakiyanın “Zemplin” klubu ilə qarşılaşıb.

Bu, bakılıların qonşu ölkədə 3-cü sınağı olub. Almaniyanın “Zvikau” klubuna 1:4, Rusiya “Arsenal”ına 1:2 hesabı ilə uduzan paytaxt klubu bu dəfə oyuna fəal başlayıb.

8-ci dəqiqədə yeni transfer Aleksandr Kristovao slovakiyalıların qapısına yol tapıb. Lakin bakılılar üstünlüyünü qoruya bilməyib və görüş 1:1 hesabı ilə başa çatıb. Bununla da “Keşlə” Antalya toplanışını qələbə qazanmadan bitirib.

Qeyd edək ki, bu yoxlama oyunu ilə hazırlığı yekunlaşdıracaq “Keşlə” sabah Bakıya dönəcək.

Yoxlama oyunu
24 yanvar
13:00. “Keşlə” – “Zemplin” (Slovakiya) – 1:1
Qol: Aleksandr Kristovao, 8

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı