“Napoli”də baş məşqçi dəyişikliyi – klub prezidentinin planında

25.01.2021 - 17:47

İtaliyanın “Napoli” klubunun prezidenti Aurelio de Laurentis baş məşqçi dəyişikliyi etməyə hazırlaşır.

Apasport.az saytının məlumatına görə, A seriyası təmsilçisinin rəhbəri Cennaro Qattuzonu istefaya göndərmək niyyətindədir.

Klub prezidenti bunu idman direktoru Kriştianu Cuntoli ilə müzakirə etməyi planlaşdırır. Qattuzonun yerinə əsas namizəd Rafael Benitesdir. 2013-15-ci illərdə komandaya rəhbərlik edən mütəxəssisin geri qaytarılması gündəmdədir.

Qeyd edək ki, A seriyasında “Verona”ya 1:3, Superkubokda “Yuventus”a 0:2 hesabı ilə uduzan neapollular çempionatın turnir cədvəlində 6-cı pillədə qərarlaşıb.