Bakı. Mehman Süleymanov - APA-Sport. AFFA Zaqatalanın “Simurq” klubunun baş məşqçisi Roman Pokoranı cəzalandırıb. “APA-Sport” agentliyinin məlumatına görə, bu gün Nizam-İntizam Komitəsinin (NİK) iclasında belə qərar çıxarılıb. Ukraynalı çalışdırıcı Premyer Liqanın son turunda “Masallı” ilə Lənkəranda keçirilən matçın 9 və 23-cü dəqiqəsində hakimlər briqadasını nalayiq sözlərlə təhqir etdiyi üçün 4 oyunluq diskvalifikasiya edilib. Bu isə R.Pokoranın Premyer Liqanın qalan iki oyununda (“Karvan”lə səfər, “Xəzər-Lənkəran”lə ev) komandasına texniki zonadan məsləhətlərini verə bilməyəcək. 60 yaşlı məşqçi növbəti mövsümdə də ilk iki görüşdə kənarda qalmalıdır. Ancaq indiyədək NİK-in cəzalarının növbəti mövsümə şamil edilmədiyini nəzərə alsaq, R.Pokoranı belə təhlükə gözləmir.
Qeyd edək ki, “Simurq” baş məşqçisinin davranışına görə, 4000 manat cərimə ödəyəcək.

• Dzeko “1000”i geridə qoyub
• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"