Bakı. Mehman Süleymanov - APA-Sport. Ardıcıl iki il Azərbaycan kubokuna sahib çıxan “Xəzər-Lənkəran” klubu Avstriyaya iyunun 24-də yollanacaq. Bu haqda “APA-Sport” agentliyinə məlumat verən komandanın baş məşqçisi Ağasəlim Mircavadovun sözlərinə görə, UEFA kubokuna hazırlıq məqsədilə bu ölkədə 16 günlük təlim-məşq toplanışı planlaşdırılıb: “Hazırlıq planımızı artıq müəyyənləşdirmişik. Bu ayın 19-da Bakıda bir araya gələndən sonra futbolçular tibbi müayinədən keçəcək. Beş gündən sonra Avstriyaya yollanmaq nəzərdə tutulub”. Avrokuboklara hazırlıq müddətində yoxlama oyunlarına xüsusi diqqət yetirən təcrübəli mütəxəssis püşkatmanı gözləyir: “UEFA kubokunda rəqibimiz bu ayın sonunda müəyyənləşəcək. Yoxlama oyunundakı rəqiblərimiz Avstriyaya gələn komandalar olacaq. Ora Avropanın bir sıra ölkələrinin təmsilçiləri gəlirlər. Yəni, seçim imkanı genişdir. Dörd sınaq matçı keçirmək lazımdır ki, tarixləri iyunun 29-u, iyulun 2-si, 6-sı və 9-u göstərmişəm”.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu