Türkiyənin “Bursaspor” futbol klubunun keçmiş məşqçisi futbol topu alaraq başlarını qatdığı yeniyetmələrə təcavüz edib. Lent.az-ın Türkiyənin “Milliyet” qəzetinə istinadən verdiyi xəbərə görə, əvvəllər “Bursaspor” klubunun aşağı yaş qrupu üzrə komandasını çalışdıran 56 yaşlı Mahmud Sərbəst tutulub.

Məhəllənin futbol klubuna məşqçilik edən Mahmut Sərbəstin hərəkətləri məhəllə uşaqlarının valideynləri tərəfindən aşkarlanıb. Belə ki, uşaqlarının evə tez-tez təzə toplarla gəldiyini görən ata və analar vəziyyətdən şübhələnib və məşqçini izləməyə başlayıblar. Övladlarının məşqçi tərəfindən seksual hərəkətlərə məruz qaldığını görən valideynlər polisə müraciət ediblər. Polis Mahmud Sərbəsti izləməyə başlayıb və onun futbol oyunlarından sonra 10-15 yaşlar arasında olan uşaqlara əllə seksual xarakterli hərəkətlər etdiyi aşkarlanıb.

Dindirilən uşaqlardan 10-nun əllə seksual hərəkətlərə məruz qaldığı, 2-nə isə təcavüz olunduğu müəyyənləşib. Məhkəmədə iddiaları qəbul etməyən Mahmud Sərbəst “Azyaşlı uşaqlara əllə seksual hərəkət və təcavüz” səbəbindən tutulub.

• "Barselona" "Mançester Yunayted"in hücumçusunu ala bilər
• "Borussiya"da ciddi itki
• “Monako”da yeni müqavilə
• Yamal ən yaxşı adına layiq görüldü
• Yassin Benzia Əlcəzair millisində