“Baş məşqçi Qyoko Hacıyevskinin köməkçisi müəyyənləşib. Yeni mövsümdə ona Böyükağa Ağayev kömək edəcək”. Bu sözləri apasport.az saytına açıqlamasında “Simurq” klubunun prezidenti Zaur Məmmədov deyib.

Ötən mövsümü uğursuz keçirən Zaqatala təmsilçisi artıq yerli oyunçulara güvənmək qərarına gəlib. Buna görə də yeni baş məşqçinin qarşısına gənc və perspektivli futbolçulardan döyüşkən komanda yaratmaq tapşırığı qoyulub.

Bu ilə qədər əsasən legionerlərin xidmətindən istifadə edən “sarı-qaralar” indi yerli oyunçulara üz tutub. Hazırlıq barədə danışan klub rəhbəri hələlik təlim-məşq toplanışını Bakıda keçirəcəklərini bildirib: “Hələ heyəti tam formalaşdırana qədər Bakıda hazırlıq keçəcəyik. Heyəti qurduqdan sonra isə fikirləşəcəyik, ola bilsin, harasa gedək”.

• "Fənər" Klublar Birliyindəki fəaliyyətini dayandırıb
• "Milan"da CİDDİ İTKİ
• Günün matçları bu kanallarda
• "Barselona" qol oldu, yağdı - 6 qollu qələbə
• Xabi Alonso “Real”ın tarixinə düşüb