Azərbaycan yığmasının sabiq futbolçusu Branimir Subaşiçin şərəfini qoruduğu Serbiyanın “Srvena Zvezda” klubu növbəti yoxlama oyununu keçirib. Apasport.az saytının məlumatına görə, Sloveniyada təlim-məşq toplanışında olan Belqrad təmsilçisi yerli “Koper” komandası ilə qarşılaşıb. Görüş meydan sahiblərinin 2:1 hesablı qələbəsi ilə başa çatıb.

Subaşiç bu matçda start heyətində meydana çıxıb və 15-ci dəqiqədəki təhlükəli uzaq zərbəsi ilə meydan sahiblərini narahat edib. Uzun müddət “Srvena Zvezda”dan uzaq düşən Branimirin əsas heyətə dönməsi komandanın yeni baş məşqçisi Radko Dostaniçin adı ilə bağlıdır. Ötən yay Azərbaycan çempionu “Bakı”nı Çempionlar Liqasından kənarlaşdıran (0:0, 2:0) Bolqarıstanın “Levski” klubuna rəhbərlik edən serbiyalı bu ildən vətənində çalışır və Subaşiçə tam etimad göstərir.

• "Real"ın futbolçusu La Liqada komandasını dəyişə bilər
• Sabiq "Qalatasaray"lının yeni klubu bəlli olub
• "Qalatasaray" qabonlu yarımmüdafiəçini komandada saxlayacaq
• Çempionlar Liqasının oyunları bu kanallarda
• Yunanıstan klubunda ayrılıq yaşanıb