“Transferlə bağlı heç nə danışmaq istəmirəm. Futboldan bezdiriblər. Təkliflər var, ancaq ad çəkmək istəmirəm. Transfer vərəqəmi alım ondan sonra danışarıq”. Bu sözləri apasport.az saytına açıqlamasında Azərbaycan yığmasının sabiq futbolçusu Ceyhun Sultanov deyib.

“Xəzər-Lənkəran”la yollarını ayırmaq ərəfəsində olan təcrübəli yarımmüdafiəçi çıxılmaz vəziyyətdə qalıb. O təkliflərin olmasına baxmayaraq, heç bir klubla danışıqlar aparmadığını bildirib. Sultanov tələsmədiyini və “Xəzər-Lənkəran”a qayıtmaq variantının olduğunu bildirdi: “Transfer məsələsində ona görə tələsmirəm ki, “Xəzər-Lənkəran”a qayıtmaq ehtimalım var. Bilmirəm, görək nə olacaq. Bəlkə də, qayıtdım”.

Soltanov formasını itirməmək üçün fərdi məşqlərlə məşğul olduğunu vurğulayıb: “Hələlik formamı itirməmək üçün fərdi məşqlərlə kifayətlənirəm. Görək, axırı necə olacaq. Transfer pəncərəsinin bağlanmasına 1 gün qalmış məsələmə aydınlıq gələcək”.

• ÇL-də həftənin oyunçusu adına namizədlər bəlli olub
• Mateuş Silva Çempionlar Liqasının rəmzi heyətində
• Günün canlı yayımlanacaq matçları - TV AFİŞA
• İrfan Can “Fənər” azarkeşlərindən üzr istəyib
• Mourinyo “Benfika”da - RƏSMİ